HABARLAR
TÜRKMENISTANLY TÜRGENLER ESTONIÝADA GEÇIRILEN «BALT CUP-2023»TAEKWONDO ITF HALKARA ÝARYŞYNDA 29 MEDALA MYNASYP BOLDULAR
Türkmenistanly türgenler Estoniýanyň paýtagtynda geçirilen Taekwondo ITF görnüşi boýunça «Balt Cup-2023» halkara ýaryşynda 29 medala mynasyp boldular.
Ýaryşa Awstriýa, Germaniýa, Latwiýa, Ukraina, Finlýandiýa, Şwesiýa, Estoniýa ýaly 8 ýurtdan 300-den gowrak türgen gatnaşdy.
Ýaryşa Türkmenistanyň toparyndan Taekwondo ITF ussatlarynyň 17-si gatnaşyp, olar jemi 15 altyn, 9 kümüş we 5 bürünç medal gazandylar.
Toparymyzyň finalda Estoniýanyň wekillerini ýeňip, toparlaýyn söweşlerde iň güýçli bolandygyny bellemek gerek.
Ol türkmenistanly ITF taekwondo ussatlarynyň şu ýyl halkara ýaryşlarynda gazanan ilkinji üstünligi däldir. Iki aý mundan öň Daşkentde geçirilen ITF Merkezi Aziýa taekwondo 1-nji çempionatynda ildeşlerimiz 19 medal (10 altyn, 2 kümüş we 7 bürünç) eýeläpdiler.
Bu üstünlikler ýurtda ussat türgenleri taýýarlamak üçin ajaýyp şertleri döretmäge gönükdirilen döwlet syýasatynyň üstünlikli durmuşa geçirilmeginiň netijesidir.