TÜRKMENISTANYŇ KANUNY Türkmenistanyň Administratiw hukuk bozulmalary hakynda kodeksine üýtgetmeler we goşmaçalar girizmek hakynda

I. 2013-nji ýylyň 29-njy awgustynda Türkmenistanyň Kanuny bilen tassyklanan Türkmenistanyň Administratiw hukuk bozulmalary hakynda kodeksine (Türkmenistanyň Mejlisiniň Maglumatlary, 2013 ý., № 3, 52-nji madda, № 4, 76-njy madda; 2014 ý., № 1, 45-nji madda, № 2, 79-njy madda, № 4, 162-nji madda; 2015 ý., № 1, 10-njy madda, № 3, 104-nji madda, № 4, 124-nji we 143-nji maddalar; 2016 ý., № 1, 6-njy, 29-njy we 62-nji maddalar, № 4, 140-njy we 162-nji maddalar; 2017 ý., № 1, 12-nji we 30-njy maddalar, № 2, 74-nji madda, № 3, 105-nji madda, № 4, 147-nji we 167-nji maddalar; 2018 ý., № 2, 43-nji madda) şu üýtgetmeleri we goşmaçalary girizmeli: 

1) 287-nji maddada: 

üçünji bölegiň sanksiýasyny şu görnüşde beýan etmeli: 

«binýatlyk mukdaryň bäşisinden on ikisine çenli möçberde jerime salynmagyna eltýär.»; 

dördünji bölegiň sanksiýasyny şu görnüşde beýan etmeli: 

«binýatlyk mukdaryň on ikisinden ýigrimi bäşisine çenli möçberde jerime salynmagyna eltýär.»; 

2) 304-nji maddanyň birinji böleginiň dispozisiýasynda «zähmet depderçesiniň berilmeginiň gijikdirilmegi,» diýen sözlerden soň «zähmet depderçesiniň bellenilmedik nusgasynyň resmileşdirilmegi,» diýen sözleri goşmaly; 

3) 307-nji maddada: 

birinji bölegiň sanksiýasyny şu görnüşde beýan etmeli: 

«wezipeli adamlara binýatlyk mukdaryň ikisinden dördüsine çenli möçberde jerime salynmagyna eltýär.»; 

ikinji bölegiň sanksiýasyny şu görnüşde beýan etmeli: 

«wezipeli adamlara binýatlyk mukdaryň dördüsinden altysyna çenli möçberde jerime salynmagyna eltýär.»; 

4) 321-nji maddada: 

birinji bölegiň sanksiýasyny şu görnüşde beýan etmeli: 

«fiziki şahslara — binýatlyk mukdaryň üçüsine, wezipeli adamlara — altysyna, ýuridik şahslara altysyndan on ikisine çenli möçberde jerime salynmagyna eltýär.»; 

ikinji bölegiň sanksiýasyny şu görnüşde beýan etmeli: 

«fiziki şahslara — binýatlyk mukdaryň altysyna, wezipeli adamlara — on ikisine, ýuridik şahslara on ikisinden ýigrimi bäşisine çenli möçberde jerime salynmagyna eltýär.»; 

5) 384-nji maddanyň birinji böleginiň 4-nji bendinden soň şu mazmunly bendi goşmaly: 

«5) iş berijide işleýän Türkmenistanyň raýatlarynyň we daşary ýurt raýatlarynyň sanynyň Türkmenistanyň kanunçylygynda bellenilen gatnaşygynyň berjaý edilmezligi-»; 

6) 4501-nji maddanyň ikinji böleginiň 2-nji bendini şu görnüşde beýan etmeli: 

«2) Türkmenistanyň Ykdysady jenaýatlara garşy göreşmek baradaky döwlet gullugynyň Merkezi edarasynyň bölümleriniň we bölümçeleriniň hem-de welaýat bölümleriniň başlyklary we orunbasarlary, bölümçeleriniň başlyklary;»; 

7) 454-nji maddanyň ikinji böleginiň 3-nji bendinde «orunbasarlary» diýen sözden soň «hem-de şol müdirlikleriň bölümleriniň başlyklary» diýen sözleri goşmaly; 

8) 469-njy maddada: 

birinji bölekde «,111—112-nji maddalarynda» diýen sözleri «maddalarynda, 111-nji maddasynyň birinji böleginde, 112-nji maddasynda» diýen sözlere çalşyrmaly; 

üçünji bölekde «109-njy maddalarynda (eger bu ýerasty suwlaryň hapalanmagyna ýa-da suw toplaýjy desgalarda suw goraýyş düzgünleri bozulyp, şol suwlaryň hapalanmagyna getiren ýa-da getirip biljek bolsa),» diýen sözlerden soň «111-nji maddasynyň ikinji böleginde,» diýen sözleri goşmaly; 

9) 525-nji maddanyň üçünji böleginde «, ulag serişdesiniň duralga getirilmegi we onuň duralgada saklanylmagy boýunça çykdajylar tölenenden» diýen sözleri aýyrmaly. 

II. Şu Kanun resmi taýdan çap edilen gününden herekete girizilýär. 

Türkmenistanyň Prezidenti 
Gurbanguly BERDIMUHAMEDOW. 

Aşgabat şäheri. 2018-nji ýylyň 20-nji oktýabry.