TÜRKMENISTANYŇ KANUNY «Salgytlar hakynda» Türkmenistanyň bitewi Kanunyna goşmaçalar we üýtgetme girizmek hakynda

I. 2004-nji ýylyň 25-nji oktýabrynda Türkmenistanyň Halk Maslahaty tarapyndan kabul edilen «Salgytlar hakynda» Türkmenistanyň bitewi Kanunyna (2005-nji ýylyň 25-nji oktýabrynda kabul edilen Türkmenistanyň Kanunynyň görnüşinde) (Türkmenistanyň Halk Maslahatynyň resmi namalarynyň ýygyndysy, 2005 ý., HM-80; Türkmenistanyň Mejlisiniň Maglumatlary, 2005 ý., № 3-4, 37-nji madda; 2006 ý., № 3, 12-nji madda; 2007 ý., № 1, 20-nji we 24-nji maddalar, № 2, 48-nji madda, № 4, 68-nji we 74-nji maddalar; Türkmenistanyň Halk Maslahatynyň resmi namalarynyň ýygyndysy, 2008 ý., HM-96; Türkmenistanyň Mejlisiniň Maglumatlary, 2008 ý., № 1, 7-nji madda, № 3, 41-nji madda; 2009 ý., № 2, 41-nji madda, № 3, 45-nji madda; 2010 ý., № 1, 19-njy madda, № 2, 34-nji madda, № 3, 64-nji madda; 2011 ý., № 1, 5-nji we 24-nji maddalar, № 2, 45-nji madda, № 3, 59-njy madda; 2012 ý., № 1, 48-nji madda, № 3, 68-nji madda; 2013 ý., № 1, 7-nji madda, № 2, 26-njy madda; 2014 ý., № 1, 24-nji we 49-njy maddalar, № 3, 112-nji madda, № 4, 149-njy madda; 2015 ý., № 2, 48-nji we 71-nji maddalar, № 3, 111-nji madda, № 4, 146-njy madda; 2016 ý., № 1, 52-nji madda, № 3, 118-nji madda, № 4, 144-nji we 165-nji maddalar; 2017 ý., № 2, 77-nji madda, № 3, 111-nji madda, № 4, 135-nji we 147-nji maddalar; 2018 ý., № 2, 42-nji madda) şu goşmaçalary we üýtgetmäni girizmeli: 

1) 96-njy maddanyň üçünji bölegine şu mazmunly kiçi bendi goşmaly: 

«j) ýük wagonlary, konteýnerleri bilelikde ulanmak we hyzmatlary ýerine ýetirmek baradaky halkara ylalaşyklaryň çäklerinde işleriň ýerine ýetirilmegi, hyzmatlaryň edilmegi.»; 

2) 119-njy maddadaky tablisanyň temmäki önümlerine degişli setirinde «37,5%-i» we «0,625» diýen sanlary degişlilikde «47%-i» we «2» sanlara çalşyrmaly; 

3) 180-nji maddanyň ikinji böleginiň ýigrimi altynjy tesiminden soň şu mazmunly tesimleri goşmaly: 

«ýük wagonlary, konteýnerleri bilelikde ulanmak we hyzmatlary ýerine ýetirmek baradaky halkara ylalaşyklaryň gatnaşyjylary bolan döwletleriň demir ýol guramalary tarapyndan alynýan girdejiler; 

ýük wagonlary, konteýnerleri bilelikde ulanmak we hyzmatlary ýerine ýetirmek baradaky halkara ylalaşyklary boýunça şertnama borçnamalarynyň bozulandygy üçin jerimeler we puşmana tölegi.». 

II. Şu Kanun resmi taýdan çap edilen gününden herekete girizilýär. 

III. Şu Kanunyň I böleginiň 1-nji we 3-nji bentleri şu Kanun herekete girizilmezinden öň baglaşylan halkara ylalaşyklara hem degişlidir. 

Türkmenistanyň Prezidenti 
Gurbanguly BERDIMUHAMEDOW. 

Aşgabat şäheri. 2018-nji ýylyň 20-nji oktýabry.