PARAHAT DURDYÝEW TÜRKMENISTANYŇ HHR-DAKY ILÇISI WEZIPESINE BELLENILDI

Türkmenistanyň Hytaý Halk Respublikasyndaky Adatdan daşary we Doly ygtyýarly ilçisi Parahat Durdyýew Hytaý Halk Respublikasynyň Başlygy Si Szinpine ynanç hatyny gowşurdy. 

Söhbetdeşligiň barşynda ýurdumyzyň diplomatik wekilhanasynyň ýolbaşçysy hytaý liderine Türkmenistanyň Prezidenti Gurbanguly Berdimuhamedowyň adyndan mähirli salam hem-de iň gowy arzuwlaryny ýetirdi we iki ýurduň arasynda köpugurly özara hereketi diwersifikasialaşdyrmak üçin bilimini we tejribesini gaýgyrmajakdygyna ynandyrdy. Öz gezeginde, HHR-yň Başlygy Türkmenistanyň Prezidentine berk jan saglyk, ýurduň gülläp ösmeginiň we halkynyň abadanlygynyň hatyrasyna alyp barýan uly möçberli işinde üstünlikler arzuw etdi. 

Türkmenistanyň Ilçisine işinde üstünlikler arzuw etmek bilen, hytaý lideri hyzmatdaşlygyň toplanan mümkinçiligini has-da işjeňleşdirmek babatda diplomatik wezipesinde oňa hemmetaraplaýyn goldaw beriljekdigine ynandyrdy.