HABARLAR
GRUZIÝADA TÜRKMENISTANYŇ GARAŞSYZLYGYNYŇ 30 ÝYLLYGYNA BAGYŞLANYP FUTBOL BOÝUNÇA NOBATDAKY ÇÄRE GEÇIRILDI
2021-nji ýylyň 10-njy iyulynda Türkmenistanyň Gruziýadaky Ilçihanasy «Gruziýanyň höwesjeň we korporatiw sporty ösdürmek bileleşigi» bilen bilelikde Türkmenistanyň Garaşsyzlygynyň 30 ýyllygyna we 2021-nji ýyl – Halkara parahatçylyk we ynanyşmak ýyly diýlip yglan edilmegine bagyşlap futbol çäresini geçirdi.
Bu futbol çäresine Gruziýada akkreditirlenen diplomatik wekilhanalaryň we halkara guramalarynyň wekilleri, Gruziýanyň işewür toparlary, türgenler hem-de ýerli köpçülikleýin habar beriş serişdeleriniň wekilleri gatnaşdylar.
Futbol çäresi başlamazyndan ozal, çärä gatnaşyjylar Türkmenistanyň Garaşsyzlygynyň 30 ýyllygy bilen gutlap, bilelikde geçirilýän sport çäreleri sportyň ýokary derejä ýetmeginiň we köpçülikleýin bedenterbiýe hereketiniň ösmeginiň, şeýle hem biziň ýurtlarymyzyň we halklarmyzyň arasyndaky dostlukly gatnaşyklaryň has-da berkemegine getirýändigini belläp geçdiler.
Çäräniň ahyrynda ýeňijilere baýrak gowşurylyş dabarasy boldy.