«GALAM» MEKDEP ESBAPLARY BILEN ÜPJÜN EDÝÄR

Indi 15 ýyl bäri aşgabatlylara belli brendleriň kanselýar harytlaryny teklip edýän «Galam» dükany dört ýyl mundan ozal internet-hyzmatlaryny ýerine ýetirip başlady.

«Galam.tm» onlaýn-dükany öýüňden ýa-da edaraňdan çykmazdan mekdep esbaplaryny satyn almaga mümkinçilik berýär.

Bu internet dükan işläp başlan döwründen bäri ýurduň ähli sebitlerine hyzmat edýär. Täze okuw ýylyna gabatlanyp, mekdep onlaýn bazary guraldy, onda elýeter bahadan okuwçylar üçin egin-eşiklerdir flomasterlerden, reňkli heklerden başlap rýukzaklara, kiçijik okuwçylar üçin partalara çenli dürli mekdep esbaplary bar.

«Galam.tm» indi ykjam telefonlar üçinem elýeterlidir. Bu oňaýly meýdança onlaýn düzgünde sargytlary kabul eltmegi we eltip bermegi üpjün edýär. Ykjam goşundy ýurduň islendik nokadynda sargydy karz karty ýa-da bank hasabynyň üsti bilen nagt däl, şeýle hem nagt görnüşde hasaplaşmaga mümkinçilik berýär.

«Galam.tm» dükanynyň müşderileriniň sany günsaýyn artýar. Onuň işgärleri belli günler—mysal üçin, her şenbede kitaplary, her ýekşenbede oýunjaklary 20 göterim arzanlaşyk geçirýärler.

Bu dükanyň ýene bir aýratynlygy – haryt satyn alnanda ball toplap, ony islän wagtyň ulanyp bolýanlygydyr. Saýtyň iki dilde – türkmen we rus dillerinde bolmagy alyjylar üçin amatlydyr.

«Galam.tm» dükany şeýle hem öý üçin harytlary, arassalaýjy serişdeleri, oýnawaçlary, sowgatlyklary, kompýuter tehnikasyny, döredijilik üçin esbaplary, şaý-sepleri teklip edýär.

Mähri Ýagmyrova

«Galam» mekdep esbaplary bilen üpjün edýär (turkmenistan.gov.tm)