Owganystanyň Daşary işler ministri bilen wideoaragatnaşyk arkaly duşuşyk geçirildi

2026-njy ýylyň 27-nji ýanwarynda Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredow Owganystanyň Daşary işler ministri möwlewi Amir Han Mottaki bilen wideo aragatnaşyk arkaly duşuşyk geçirdi.

Bu duşuşykda iki tarap özara gyzyklanma döredýän meseleleri, sebitleýin hyzmatdaşlygyň ösdürilmegini we Türkmenistanyň Owganystanda durmuşa geçirýän ykdysady taslamalarynyň, şol sanda TOPH gaz geçirijisiniň we demir ýol taslamalarynyň işini ilerletmegi ara alyp maslahatlaşdylar.