TÜRKMENISTANDA LUKMANÇYLYK ULGAMY KÄMILLEŞDIRILÝÄR

Türkmenistanyň Saglygy goraýyş we derman senagaty ministlrigi Bütindünýä saglygy goraýyş guramasynyň Ýurt edarasy bilen bilelikde inçekesele garşy derman serişdeleriniň howpsuzlygyny dolandyrmak monitoringini inçekesele garşy göreş boýunça Milli maksatnama ornaşdyrmak boýunça ýörite okuw guradylar.

Okuwy BSG-niň Ýewropa sebit edarasynyň (ÝSE) inçekeseliň dermanlara durnuklylygy we farmagözegçiligi babatda bilermenleri doktor Alýona Skrahina we doktor Swetlana Setkina Türkmenistanda 2021-2025-nji ýyllarda inçekesele netijeli gözegçiligi üpjün etmek boýunça Milli maksatnanany durmuşa geçirmegiň çäklerinde guradylar.

Okuw näsaglary bejermegiň tutuş dowamynda barlap durmagy, olaryň halyynyň ýaramazlaşmagyna sebäp bolýan ýagdaýlaryň ählisini ýüze çykarmagy, ýaramaz ýagdaýlaryň öňüni almagy göz öňünde tutýar. Ol, öz gezeginde, inçekeselli näsaglary bejermekde näsagyň bejerilişini kämilleşdirmäge we hünärmenleriň ýurduň ilatynyň saglygyny goramak boýunça işiniň netijeliligini ýokarlandyrmaga ýardam edýär. Çünki näsaglaryň howpsuz we netijeli bejerilişi saglygy goraýyş ulgamynyň hem-de ilata lukmançylyk kömegini bermegiň möhüm maksatlarynyň biridir.

https://turkmenistan.gov.tm/tk/habar/64754/turkmenistanda-lukmancylyk-ulgamy-kamillesdirilyar